Pune leh Kerala inhnehtawk
Indian Super League-ah Kerala Blasters leh Pune City te 1-1 in an inhnehtawk.
Ningani zan inkhelah hian Pune tan Marcelo Leite Pereira chuan minute 33-naah goal hmahruaia a khung a, mualneitu Kerala-in Mark Sifneos hmangin minute 73-naah an sut.
Kerala tan Mizo tlangval Lalruatthara a inlan a, Pune tan Lalchhuanmawia a khel tluan bawk.
Pune hian match kuah point 16 hmuin hmahruaitu an ni a, Kerala erawhin match riatah point riat chiah an la hmu thung.
Zanin dar 8:00 hian NorthEast United leh Goa an inkhel ang. Pathianni zan dar 5:30-ah Chennaiyin leh Delhi Dynamos an inkhel ang a, hemi zawh hian Bengaluru FC leh ATK te zan dar 8:00-ah inhmachhawn bawk ang.