Wimbledon entu an pung dawn

Tennis inelna ngaihhlut Wimbledon an khel mek a, tunkar aṭangin last 16 an khel ang. Grass court inelna lian hi mipa leh hmeichhe singles aṭang chuan stadium khatin entu an awm thei dawn.

A tirah chuan final chauh stadium khata entu awm turin an ruahman, mahse sorkarin inkaihhruaina a thlahdul avangin beisei aia hmain stadium khat an pungkhawm thei dawn a ni.

Season hmasa khan hripui leng vangin Wimbledon hi an khel lo. Kuminah chuan a tir aṭangin a hmuna entu 50% an awm thei a, inelna sang chinah chuan tun hma lama boruak nuam leh sang tak ang kha an nei thei leh tawh dawn.

Kum khat aia rei chu Britain ramah hian inkhuahkhirhna kalpui a ni tawh. 2020 March thla chinah kumin Wimbledon quarterfinal hi infiamna zinga a hmuna stadium khat entu an awm hmasak ber tur a ni ang.