MotoGP 2020 season calendar thar a chhuak

Bike intlansiakna sang ber MotoGP chu neih ngei tum a la ni zel a, 

Thawhṭanni khan 2020 season atana calendar siam thar chu tih chhuah a ni. A hmasa ber atan July 19 hian Spanish Grand Prix an tlan ang.

Coronavirus vangin infiamna dang ang bawkin MotoGP pawh an buai. March thla khan inelna neih ṭan tum mah se tun thlengin an la ṭan thei lo, season tir lama neih tur intlansiak 11 zet chu a nghawng buai phak a ni.

Jerez tlan kawnga inelna pahnih nei tur hian Spain sorkar chuan phalna a pe chiang tawh a, a hmuna entu erawh an awm thei lo ang. Spain hnuah hian France, Italy leh Catalonia lam pawhin phalna an pek zui a rinawm.