Nadal a inpeih

World number 1 Rafael Nadal chu season thar bulṭan turin a inpeih tawh. January 15 aṭanga khelh tur Australian Open inbuatsaih nan tun kar chhung hian Kooyong Classic exhibition tournament-ah a inlan dawn.

Tournament direc-tor Peter Johnston chuan, "Rafa a rawn kal thei dawn a, kan tan chuan thu lawmawm a ni. Kum dang zawng aiin ngaihhlut a hlawh zual phah pawh kan beisei," a ti.

Spanish tlangval Nadal hian season hmasa khan Grand Slam nomawi pahnih a chawi a, ranking-ah a sang ber ni chungin season bul a ṭan dawn. Coach Toni Nadal tel loin Carlos Moya nen inelna lian an hmachhawn ṭan dawn a ni.

Grand Slam vawi 12 champion tawh Novak Djokovic pawh Kooyong-ah hian a inlan dawn. Serbian star hian Australian Open nomawi vawi ruk a chawi tawh a, kuminah record thar siam tumin inbuatsaihna bul a ṭan dawn.

Nadal leh Djokovic te bakah hian player langsar dang Marin Cilic, Dominic Thiem, David Goffin leh Pablo Carreno Busta te pawh an inaln dawn a ni.