Vawiin aṭangin Mission Veng Open

Mizoram Badminton Association hriatpui Hrangthanmawii Mission Veng Open 2018 chu vawiin aṭangin DYO hall - Mission Veng Indoor Stadium-ah khelh ṭan a ni dawn.

Inelnaah hian club 38 zet an tel a, category hi Under 11 aṭanga 45+ thlengin awmin category 16-ah an inel dawn. Mission Veng Open hi MBA Ranking tournament a ni a, January 8-13 inkara khelh tur a ni.

Men's Singles-ah Mizo shuttler zinga sulhnu nei ṭha ber Lalmuanmawma chu seeded number 1 a ni a, Mizoram Police BC tana a khelhpui Samuel Lalnunmawia chu seeded number 2 a ni.