Nick Kyrgios tan nomawi hmasa

Australian tennis star Nick Kyrgios chuan an ram chhungah a vawi khat nan ATP Tour title a la ta. Pathianni tlai Brisbane International mipa singles final-ah Kyrgios hian American tlangval Ryan Harrison chu 6-4, 6-2 in a hneh.

World number 22 Kyrgios hian set hmasa zawk la turin break point vawi nga a inchhanhim a ngai a, set hnihnaah erawh harsatna a tawk lo. Tun ṭuma a nomawi chawi hi kum 2016 October hnua a hmasa ber niin, tennis a khelh chinah ATP Tour title pali a lakna chiah a ni bawk.

Kum 22 mi Kyrgios hi a khup na vangin season hmasa tawp lam kha a khel mumal lo, a hliam dam tawhin Janaury 15 aṭanga an rama khelh ṭan tur Australian Open-ah beiseina a nei sang ang.