Zaninah Futsal League

All India Football Federation hnuaia futsal league mumal taka khelh hmasak ber tur, Mizoram Football Association Fut­sal League chu zanin hian R Dengṭhuama Hall, Mualpuiah khelh ṭan a ni dawn.

Aizawla veng hrang hrang 16-te inelna turah hian Mizorama footballer langsar ber berte an inlan dawn bakah futsal player ṭhate hmuh tur an awm ang.

Futsal League kalphung
October-ah khan MFA Futsal League khel tur zawnna playoff hi khelh a ni tawh. Team ṭhahnem tak kal khawm aṭangin a thiam 16 thlan chhuah an ni.

Team 16 awmte hi group hnihah ṭhen an ni ang a, a sang paliin quarterfinal an lut ang a, group-a a hnuai ber ve ve an relegate ang.

Zan 1-ah inkhel 4

Zan dar 6:00-ah inkhel an ṭan ang a, dar 7:10, 8:20 leh 9:30-ahte inkhel a awm chho ang - zan khatah team pariat inlanin inkhel vawi li a awm dawn a ni.

Inkhel en man hi group match-ah Rs 20/- a ni ang.