Manchester khaw club an vannei

FA Cup fourth round-a in­hmachhawn tur chu Thawhṭan zan khan pawh a ni a, Man­chester khaw club-in team ṭha an hmachhawn dawn lo. Fourth round hi January 26-29 chhunga khelh tur a ni.

Vawi 12 champion tawh Manchester United chuan FA Cup-a team la dam zinga dinhmun hniam ber Yeovil Town an lenchilh dawn. Yeovil hi League Two club niin table-ah 21-naah an awm mek.

Manchester City-in Cardiff leh Mansfield Town inkhela chak zawk an hmachhawn dawn a, team ṭha zawk Cardiff hi Championship-ah pathumna an nih mek avangin Pep Guardiola hote tan chuan League Two-a pasarihna ni mek Mansfield Town hmachhawn a châkawm zawk ang.

Liverpool-in West Brom an hmachhawn dawn a, Reds hmabak a awlsam dawn lo. Tottenham khingpui tur erawh League Two club Newport County a ni a, match tam lai a nih avangin Mauricio Pochettino-a'n player dah ṭhat nan a hmang thei ang.

Cheslea erawhin January 17 zanah Norwich nen replay an khel phawt ang a, hnehna an chang a nih chuan Premier League club tho Newcastle an mikhual thei ang.