FA Cup Brighton-in Palace an hnawt chhuak

Thawhṭanni zanlai FA Cup inkhelah Brighton & Hove Albion chuan Premier League lama an elpui Crystal Palace chu 2-1 in an hneh a, FA Cup fourth round khel turin an inpet tling.

Brighton tan Dale Stephens chuan minute 25-na lekah goal hmahruai a khung a, mualneitu team hian inkhel an thunun chhunzawm. Chawlhlawk thleng goal dang a luh loh hnuah Palace-in tlawm an duh lo tih lantirin an si phurh an sut a, an si phurh sutna goal hi minute 69-naa an khung niin Bakary Sako chuan yard 25 vela hla aṭangin ṭha zetin a khung.

Team pahnih hian replay an khel ngei dawn niin a lang hman a, mah se hun tawp nan minute thum chiah a awm tawh tihin Palace striker hlui Glenn Murray chuan a club hlui lamah hian goal khung ve lehin Brighton hnehna a chanpui.

Thawhṭanni zan inkhelah hian video assistant referee (VAR) technology chu hman a ni a, England-a competitive match-a VAR hman a nihna hmasa ber a ni.