Tleirawl duhawm Raducanu a tla

Wimbledon khelh ṭan a nih dawn khan Emma Raducanu tih hming hi mipui hriat lar a ni lo, last 16 an khelh zawh meuh chuan hmeichhe singles huanga mipui ngaihven hlawh ber tia sawi ngam a ni hial.

British tleirawl, duhsak taka wildcard hmanga inlan hian last 16 a in vaw kai. Mahse, Thawhṭanni zan khan Ajla Tomljanovic nen an inhmachhawn a; 4-6, 0-3 in a hnufual laiin thawk lamah harsatna a nei a, a inkhel zui thei tawh lo.

Inelna neih ṭan hma khan kum 18 mi Raducanu hi world number 338 a ni a, a lakah beisei a sang lo. Amaherawhchu a match hmasa pathumah set hloh miah loin hnehna a chang, match linaah erawh a vannei zui thei ta lo.

Wimbledon khelh laiah hian beisei loh result kan hmu hnem ta a, hmeichhe singles huangah phei chuan Ashleigh Barty leh Angelique Kerber te chiah Grand Slam title la tawh zinga la dam awmchhun an ni.