Antetokounmpo a lo kir mai thei?

NBA Finals khel turin Giannis Antetokounmpo a lo kir hman mai thei. Milwaukee Bucks chuan an thiampuipa hi hliam vangin chawl mek mah se inelna tawp hmain chhawr theih an beisei.

NBA Most Valuable Player (MVP) vawi hnih ni tawh Giannis hi conference finals tawp lamah a inhliam a, a khup vei lam na vanga a chawlh chen tur hi chiang taka sawi theih erawh a ni lo.

Bucks coach Mike Budenholzer chuan, "Player dinhmun kan ngaihtuah a, team lamin kan mamawhna pawh ngun taka ngaihtuah a ni bawk. Tunah chuan engmah ka la sawi chiang thei lo, nitin a dinhmun kan la ngaichang zel," a ti.

Tukin zing dar 6:30 hian Milwaukee Bucks leh Phoenix Suns ten NBA Finals game 1 an khel ṭan.