Nipui laia tournament pakhat khelh a tawk - Guardiola

Manchester City manager Pep Guardiola chuan player tan inelna hmachhawn tam lutuk a ṭhat loh thu a sawi a, nipui laia neih tur Tokyo Olympic atan an player Rodri leh Ferran Torres te an kaltir theih loh thu a sawi.

European Championship khelh mek a ni a, inelna hmachhawn lai player paruk ngawt chu Tokyo Olympic atan koh nawn an ni - July 12-a in report tura hriatttir an ni bawk. Man City player pahnih erawh Spain squad-ah telh an ni ta lo.

Guardiola chuan, "Ferran Torres leh Rodri te hi Olympic khel tura koh theih zingah khan an awm, mahse an kal thei lo ang. A chhan chu Euro an khel mek a ni, nipui laia tournament pakhat khelh hi a tawk viau.

"Kalphung pangngaiah pawh match khelh tur a tam, chumi piah lama ramin a mamawh a nih chuan an khel tur a ni. Amaherawhchu an taksa in a tlin tawk an ngaihtuah a ngai a, hlawh petu club-in an player himna an ngaihtuah a ngai ve bawk," a ti.