Watson-i'n quarterfinal a lut

Australian Open inbuatsaih nan tourna-ment hrang hrang khelh mek a ni a, nimin khan Britain nula Heather Watson chuan wildcard hmanga inlan Jamiee Fourlis lakah 6-2, 6-2 a hnehna changin Hobart International quarterfinal a lut.

Kum 25 mi Watson hian Hobart International title hi 2015 khan a lo chawi tawh a, kuminah pawh bul a ṭan khat avangin beiseina a nei sang. Khawtual nula hneh tur hian darkar khat leh minute 10 chiah a mamawh a, ama service bikah point 13 chiah hlohin nuamsa takin hnehna a chang.

Britain number 2 Watson chuan, "Kan point en chuan nuamsa taka chakah ka ngaih theih, mahse point hmuh a awlsam lo a, inkhel hautak tak a ni," a ti. Watson hian semifinal lut tur chuan world number 55 Donna Vekic ( Croatia) a hneh leh a ngai ang.