Blasters chakna Hume hattrick

Nilaini zan Indian Super League inkhelah Kerala Blasters forward Iain Hume chuan goal thum khungin hattrick a siam a, Delhi Dynamos lakah a team chu 3-1 in hnehna a chanpui–Canadian international hi ISL-a hattrick vawi thum siam thei hmasa ber a ni.

Delhi Dynamos tan Lallianzuala Chhangte chuan inkhel bul a ṭan bawk a, minute rukna lekah Kerala Blasters defender rual bumin hun ṭha nei mah se goal-ah erawh a chantir thei lo–Lunglei rawlthar hian second half-ah David Ngaihte tan goal khungna remchang a siamsak bawk a, mah se Manipur lam chhuak tlangval hian a hun ṭha neih a chhawr thei bik lo.

Mualneitu club tan Pritam Kotal chuan goal khat a khung ve bawk a, Lallianzuala Chhangte-in a khelh ṭhat zanah a team hnehna chanpui zo lo mah se Emerging Player of the Match-ah erawh thlan a ni ta tho.

Kerala Blasters tan Lalruat-thara chuan ṭum dang ang bawkin inkhel bul a ṭan a, tlarhnungah Manchester United defen-der hlui Wes Brown te nen an awm ho-Bulgarian legend Dimitar Berbatov chuan inkhel bul a ṭan ve bawk.