MFA Futsal League : Bungkawn leh Chanmari chak zel

MFA Futsal League-ah Bungkawn leh Chanmari ten match hnih khelhah hnehna an chang ve ve a, Chhinga Vengin a vawi khat nan hnehna an chang ve bawk.

R. Dengṭhuama Multi-purpose Hall, Mualpui-ah January 11 zan khan group A team pariatten an match hnihna an khel a, Kanan Vengin point hlawh chhuak turin Bawngkawn an draw a, Bungkawnin chak record chhawm nung turin Saron 7-6 in an hneh hram.

Match thumnaah Chhinga Vengin Dawrpui 6-3 in an hneh a, Dawrpui hi group A aṭanga point la hmu lo awmchhun an ni. Match hnuhnung berah Chanmari-in Electric Veng 4-2 in an hneh a, vawi khat chauh an inkhelh kual dawn avangin quarterfinal lut turin an dinhmun a ṭhat phah hle.