Tukinah hmun ruak pakhat inchuh tur Meghalaya vs Manipur

National Football Championship for Santosh Trophy final round hi khelh a awlsam lo - a tichiangtu chu hmarchhak state-a football thiam ber tia sawi ṭhin Manipur-in tun hnai kum li chhung final round an lut zo lo.

Tukin zing dar 10:00 hian Lammualah Manipur hian Meghalaya an hmachhawn dawn a, chak ngei an mamawh avangin an hna a awlsam dawn lo.

Manipur hian an match hmasa berah Tripura 3-0 in an hneh a, he team tho hi Meghalaya-in 5-0 a an sawp thung.

Manipur coach Ratan Elangbam chuan an state chhungah buaina a awm avangin team ṭha ber an tirh chhuah loh thu a sawi mah se Meghalaya vanga final round thlen loh erawh an duh lo tawp ang.

Meghalaya hian Tripura an khelh ṭumin game mawi an khelh bakah goal nga an khung tel a, Manipur laka point an hlawh chhuak thei a nih chuan kum zawnin final round an khel dawn tihna a ni.