Hazard-a'n contract ziak dawn

Eden Hazard chuan Premier League champion Chelsea tan contract thar a ziah tur thu a sawi a, mahse a ziah hmain Thibaut Courtois chuan a ziah hmasak tur thu a sawi bawk.

Belgium interna-tional hi Chelsea player pawimawh a ni mek a, season hmasa league nomawi an chawi theih nan pawh a thawh hlawk hle. Spanish champion Real Madrid nen Hazard hi sawi zawm a ni a, an mit it zawng a piang hlah lo Real hming lamrik a nih avangin Blues fans an thlamuang lo.

Contract chungchang sawiin Hazard chuan, "Ka ziak ang, mahse ka ziah hmain Thibaut-a'n a ziak hmasa tur a ni ang," a ti. Hazard hian ram tana a khelh pui nena Blues jersey hak chhunzawm zel a duh thu a sawi.

Chelsea hi Premier League-ah pathumna an ni mek a, pahnihna Manchester United aiin point khat chiahin an hniam zawk. Hmahruaitu Manchester City an phak lohna erawh point 16 zet a nih tawh avangin nomawi chawi aiin a sang pali zinga tel phak chu an thil tum lian a ni tawh ang. Blues hian zanin dar 8:30-ah Leicester City an hmachhawn ang.