Watson zinkawng a tawp

Kar leh aṭangin Australian Open khelh tur a ni a, player tinin chetṭhat an duh vek. Heather Watson tan erawh hun duhawm lo a ni mek. Britain nula hi nimin khan Hobart International semifinal-ah Elise Mertens hneh loin a tla.

Kum 25 mi Watson hian 2015 khan he hmunah hian nomawi a lo chawi tawh a, kuminah pawh Grand Slam hmasa ber inbuatsaih nan a hmang leh. Mahse, seeded pahnihna Mertens lakah 6-4, 1-6, 6-2 a chak loin a zinkawng a tawp.

Watson hian tun hnai kum hnih chhung chu WTA final a lut phak lo tawh a, Australian Open-ah pawh bsei a nei sang lo ang–a match hmasa berah world number 50 Yulia Putintseva a hmachawn dawn a ni.