Philadelphia 76ers lakah Celtics chungnung

Nimin zing khan O2 Arena-ah NBA regular season kal laia Global Games series match pakhat khelh a ni a, Boston Celtics chuan Philadelphia 76ers lakah 114-103 in hnehna an chang.

London-ah hian NBA regular match pariat khelh a ni dawn a, nimin zing match hi 76ers tan home match niin half time-ah 57-48 in hma an hruai thei. Mahse, Eastern Confe-rence hmahruiatu Boston hian inkhel chawhnu lamah na taka bei letin tun hnaiah a zawnin vawi sarih chhung hnehna an channa an tawng zui thei.

Celtics tan hian point guard Kyrie Irving chuan point 20 score-in player ṭangkai a ni. Irving chuan, "Basketball ngaina leh hmuhnawm ti em emte hmaah kan inkhel a, ka hriatreng tawh tur hun ka hmang a ni," tiin a sawi.

Philadelphia shooting guard JJ Reddick chu ṭum dang ang bawkin a khel ṭha leh, point 20 nei thei mah se a team tan a tawk zo lo. Eastern Conference lamah Philadelphia hi pakuana an ni mek a, playoff kheltur chuan hmasawn an mamawh.