MFA Futsal League : Group B hmahruaitu RVL

MFA Futsal League chu R. Dengṭhuama Multipurpose Hall, Mual-puiah khelh chhunzawm zel a ni a, group B-ah Ramhlun Venglai chu a zawna vawi hnih chak thei awm chhun niin vawi hnih khelh zawhah table chung berah an awm.

Ramhlun Venglai hian an match hmasa berah an ṭhenawm Ramhlun South an hneh a, match hnihnaah Durtlang 6-3 in an hneh leh bawk. Football thiam veng tiha hriat ngai loh RVL tan Futsal League-a an bul ṭan dan hi a chhinchhiahtlak khawp ang.

Inkhel dangah inkhel thiam veng Ramhlun South leh Dinthar tho chhuakin an khingpui Ramthar Veng leh Ramhlun North an sawp ve ve a; team ṭha pahnih Armed Veng South leh Laipuitlang te an inhnehtawk bawk.