Dortmund tan Aubameyang inlan lo

Borussia Dortmund chuan tun season chhunga a vawi hnih nan Pierre-Emerick Aubameyang chu inhmuhkhawmna hmuna a kal loh vangin an inkhelhtir ve lo.

Gabon international hi Pathianni zana Dortmund leh Wolfsburg te goal awm loa an inhnehtawk ṭumin squad-ah telh a ni ve lo. Tun season match 23 a khelh aṭanga goal 21 khung thei striker hi thlasik chawlh hnua inhmuhkhawmna hmasa berah a kal loh vang inkheltir loh a ni.

Kum 28 mi Aubameyang hi nikum November thla khan a chhan hriat loha training a zawm loh ngawt avangin squad aṭanga dah chhuah a ni tawh bawk a, kum 2016 khan club dan leh hrai a zawm ṭhat loh avangin Milan an tlawh ṭumin hruai tel a ni ve lo bawk.

Dortmund manager Peter Stoger chuan, "Hma takah hrilh a ni a, a theihnghilh hman pawh a ni mai thei. Mahse, inhmuhkhawm tur thu hi vawi tam tak sawi nawn a ni thung. Tu pawhin club thiltih chu an ngaipawimawh tur a ni, kar lehah chuan a inkhel thei tawh ang," tiin a sawi.

Bundesliga club tan hian Manchester City aṭanga pound maktaduai 10-a an lakluh Jadon Sancho chuan a vawi khat nan league match bikah inkhel bul a ṭan, England under 19 player hian goal bar pet per mah se a vanneih ni a nih loh avangin chakna goal a khung thei bik lo.