Baggies striker hlui a thi

West Brom legend Cyrille Regis chu nimin khan a thi, a thih chhan hi lungphu chawl niin kum 59-a upa a ni. Regis hian Baggies tan match 297 a khelh aṭangin goal 112 a khung sak a ni.

Regis hi Baggies bakah Coventry City, Villa leh Wolves tan pawh a khel tawh. Coventry tana a khelh lai kum 1987 khan FA Cup nomawi a chawi a, Regis hi mihang player zingah England tana inlan thei pathumna niin, ram tan match nga a khel a, goal erawh a khung lo.

Mihang player Laurie Cunningham leh Brendon Batson te nena khel hoin England-ah chuan mihang player tana sulsutu pawimawh an ni. Kum 1996 October thla khan football chawlhsanin, a chawlh hnuah coach hna a thawk a, chumi hnuah football agent a ni chhunzawm leh bawk.