Pro Volleyball League khel dawn lo

Tualchhung volleyball inelna lian leh ngaihhlut ber Pro Volleyball League chu season kal lai atan thu leh awm hma chuan neih a ni dawn lo, inelna hi April thlaa neih tura ruahman ni tawh mah se tun laia hri leng 'coronavirus' vanga ṭhulh a ni.

Ruahman lawk dawn chuan inelna hi R. Dengṭhuama Indoor Stadium, Mualpuia neih tur a ni. Mahse, Mizoram State Sports Council chuan a hnuaia indoor stadium leh khelmual zawng zawng pawh hman laklawh lai ni lem lo, hman tura ruahmansa chu ṭhulh tura a tih vangin volleyball inelna neih a rem dawn rih lo.

Covid 19 hi khawvel hmun hrang hrangah a kai tam tawh mah se Mizoramah chuan a kai hriat an la awm lo. Sorkar leh sports huang hrang hranga hruaitute chuan kai la awm lo mah se mipui punkhawm tamna chu an titawp rih a ni.