Goal khung mamawh Chelsea

Premier League champion Chelsea manager Antonio Conte chuan tun hnaia match thum chhung goal an khung ta lo chu a chinfel dan hriat a ngaih thu a sawi. Blues hian zanin dar 1:15 hian FA Cup third round khel turin Norwich City an mikhual dawn.

Championship club Norwich hian goal awm loin Chelsea an chelh thei a, replay khelh a ngaih phah–zaninah erawh inhnehtawk a awm thei tawh dawn lo; a chak zawk hian Newcastle United an hmachhawn leh ang.

Chelsea hian a zawnin match thum chhung goal an khung thei ta lo. Norwich bakah Arsenal leh Leicester City te chu goal awm loin an inhnehtawkpui. Heng an match pathum khelh hi–FA Cup, League Cup leh Premier League a nih avangin manager tan hna a awlsam lo tih chu a chiang.

Italian manager Conte chuan, "Arsenal hmachhawntu deuh vek khan Leicester an tum leh a, Norwich hmachhawn tur hi chuan ruahmanna dang ka nei. Player zawng zawng an hah em em vek a, inkhel tur thlan fimkhur a ngai hle," tiin a sawi.

Season hmasa a league nomawi chawipuitu Diego Costa thlaktu Alvaro Morata-a'n season bul ṭan fuh viau mah se a zuih. Real Madrid srtiker hlui hian tun hnai a match hnuhnung 11 aṭangin goal thum chiah a khung a, match nga chhung goal a khung tawh lo.

Blues manager Conte chuan, "Morata chiah buaina nei a ni lo, kan zavaiin insiamṭhatna tur lai kan nei vek. Chutih rual erawh chuan kan khingpuite goal hmaah kan hriam tawk lo ṭhin tih chu phatna tur awm lo," tiin a sawi.

Zanin Inkhel Tur
FA Cup Third Round (Replay)
Chelsea 01:15 AM Norwich
Wigan 01:15 AM Bournemouth
Swansea 01:15 AM Wolves