Chapron-a'n a tih dik loh a pawm

French Ligue 1 club Nantes defender Diego Carlos hnawtchhuaktu referee Tony Chapron chuan a tih sual a pawm a, atthlak taka a thiltih avangin ngaihdam a dil.

Pathianni zana Paris-St-Germain-in si khat faia Nantes an hnehna inkhelah Carlos-a'n tih­palh thilthuin Chapron hi a tauh palh a, hemi hnuah referee hian pet zui vein hun tawp dawnah holam takin Carlos hi yellow card vawi hnihna a pe a, a hnawt chhuak.

French football league (LFP) chuan yellow card pahnihna hi an cancel tawh a, French Football Association chuan Chap­ron chu thu leh awm hma chu a hna thawk chhun­zawm rih lo turin an hrem zui nghal, Nilaini zana Angers leh Troyes te inkhel enkawl tura tih­tawp ṭhulh sak a ni a, Ninganiah a chungchang hi ngaihtuah zui tura tih a ni.