Chhinga Veng chak chiang

Mahuma Memorial 1st Division Tournament 2020 khelh laiah nimin khan Chhinga Veng chuan Zemabawk Pitchers lakah run 213 ngawtin hnehna an chang a, match hnih an khelh tawhah hnehna an chang ve ve a ni.

DSA Ground, Silchar-a inkhelah Chhinga Veng hi ṭhum vawrah vannei zawkin vuak hmasak an thlang. 3C tan K. Vanlalruata chuan run 143 ngawt siamin a team chu dinhmnun ṭha takah a dinpui, over 50 chhunga run 281 siamin mi pakua an in hloh.

Zemabawk tan target a sang mah mah a, over 20.4 lekah run 68 siamin an thi kim. Chhinga Veng tan Raj Kumar Thakur chuan over 4.4 a vawmah run 13 chauh pein wicket li a la a, Lalhruaimawia Ralte-in over ruk vawmin wicket thum a la bawk.

Cricket Assocaition of Mizoram (CAM) hnuai inelna lian berah hian Chhinga Veng leh Chanmarians ten vawi hnih hnehna an chang tawh a, table hmahruaitu nih an inchuh mek. Team ṭha pahnih hi March 26, Ninganiah an inhmachhawn ang.

Vawiin chawhma dar 9:00 hian a hmun ngaiah inkhel pakhat a awm leh dawn, an match hmasa lama chak lo Ramhlun Venglai leh Kulikawn te an inhmachhawn dawn a ni - team pahnih hian chak an mamawh hle.

Thlirna Tawi

A hmun: DSA Ground, Silchar

Chhinga Veng bt Zemabawk Pitchers

Chhinga Veng lamin run 281 in hnehna an chang

MoM: K. Vanlalruata, Chhinga Veng

Toss: Chhinga Veng lamin vuak hmasak an thlang

Chhinga Veng CC: 281/9 (50)

K. Vanlalruata 143 (149); Gaurav Singh 36 (39)

Lalmalsawma Khawlhring 45/2 (6); Lalremthara 49/2 (10)

Zemabawk Pitchers: 68/10 (20.4)

Zomuansanga 11 (12); Biakthanpuia 11* (25)

Raj Kumar Thakur 13/4 (4.4); Lalhruaimawia Ralte 14/3 (6)