Sanchez leh Vidal dah hrang rih dawn

Alexis Sanchez leh Arturo Vidal te chu World Cup qualifier khel turin ram tana koh an ni a, mahse an ram Chile an thlen hunah an khung hrang rih dawn - player pahnih hian coronavirus kai rih lo mah se an lakah an fimkhur hle.

Sanchez hi Italian club Inter Milan tana khel lai a ni a, a khelh mekna Serie A chu hri leng vangin an chawl mek. Barcelona midfielder Vidal pawh a awmna Spain-ah hri a leng nasa a, hri kai thei dinhmunah an ding a ni. Chile health minister Jaime Manalich chuan, "Tu pawh an hna thawh emaw nihna emaw vangin kan en hrang lo, hri leng hi chu tupawhin an kai theih a nih avangin fimkhur taka kan kal a ngai," tiin a sawi.

South American ram Chile hian March 26 hian Montevideo an hmachhawn dawn a, April 1-ah Colombia nen an inkhel zui leh nghal bawk ang.