Alexis Sanchez a chhuah hmel –Wenger

Arsenal manager Arsene Wenger chuan nimin khan Alexis Sanchez chu Manchester United-ah a kal hmel tih a sawi ta.

French manager Wenger chuan, "Alexis-a chungchang thuthang awm hi a thlen theih rualin thleng lo thei a ni. Kan bulah training ṭha takin a nei a, a chhuak lo a nih chuan Inrinniah kan chhawr ang," tiin a sawi zet a; nimahsela nimin chawhnu lam kha chuan, "A chhuah hmel. Manchester United lama lut thei a ni," tiin a sawi ta.

Gunners boss chuan, "Kum 30 chhung transfer chungchang ka buaipui tawh aṭanga ka hriatthiam dan chuan a chhuah ngei a rinawm. Chutihrualin minute khat chung lek pawhin engkim a danglam vek thei a, engkim a la chian hma chuan ngaihdan khat chauh neih a dik lo," tiiin a sawi.

Man United midfielder Henrikh Mkhitaryan nena inthleng chungchang zawhna chhangin Wenger chuan, "Ka player duhzawng a nih miau avangin thil thleng thei a ni. Dortmund a awm lai aṭangin tawh vawi tam kan hmachhawn tawh a, kan khelh dan pawh hi a duh zawng a ni. A hlawhah buaina kan nei lo ang," tiin Armenian midfielder-in Gunners a zawm theih thu a sawi.

Arsenal hian Theo Walcott chu Everton-ah an hralh a, English striker thlakna tur hian Borussia Dortmund striker Pierre-Emerick Aubameyang leh Bordeaux forward Malclom te nen sawi zawm an ni.