Chelsea-in Peter Crouch an duh

Premier League champion Chelsea chuan Stoke City aṭang­in striker Peter Crouch lak­luh an tum dawn niin an tarlang. Kum 36 mi striker hma hian Andy Carroll an lo ngaihven tawh bawk a, mah se West Ham striker hian a ngalrekah hliam a tawrh avangin Blues hi an inhnukdawk.

Chelsea boss Antonio Conte hian Premier League-a tlangnel tawh sa, target man-a hman theih striker a duh niin an sawi a, Italian manager duhdan nena thlir chuan English striker palian aia awm zawk hi an tam lo.

England tan vawi 42 inlana goal 22 khung thei striker hi khawthlang media te chuan a naupan lai aṭanga Chelsea fan niin an sawi a, kum 1994 FA Cup final-a Blues inlan ṭum khan a hmunah a en nia sawiin Stamford Bridge-ah ball boy a ni ṭhin bawk.

Chelsea tana buaina tur chu Crouch hian nikum November khan Stoke-ah hian kum khat dang cham tur leh, a ṭul dan a zira kum khat dang pawhsei theih turin contract thar a ziak. Coach thar Paul Lambert-a'n target man chhawr ṭang­kaia formation a hman ṭhin bawk avangin English striker hi a chhuah phal kher ang em a hriat loh a, Blues hian season tawp thleng atan loan-a hawh an dil dawn nia sawi a awm bawk.

Blues hian zanin dar 6:00-ah league match an khel dawn a, khualmualah Brighton & Hove Albion an lenchilh ang.