Barca tana rinawm Pique

Barcelona chuan an defender Gerard Pique chu kum 2022 thleng cham turin contract thar an ziahpui dawn, club leh player hian inremna an siam tawh–amah lei chhuak duh tan pound maktaduai 440 sen a ngai ang.

Spain international Pique hi kum 2008 khan Manchester United aṭangin a club hlui Barca-ah a kir a, Catalan club tan hian match 422 a khel tawh. Barcelona academy aṭanga inzir chhuak defender hi Old Trafforda-ah beisei angin hlawhtling lo mah se a seilenna hmunah erawh a ropui hle.

Kum 30 mi Pique hian Barcelona tan nomawi 20 chuang a chawi tawh, heng zingah hian La Liga paruk leh Champions League nomawi pathum a tel bawk–tun season kal laiah pawh league hmahruaitu an ni mek.

Barcelona hi Copa del Rey quarterfinal first leg-a chak lo hlim an ni a, Pathianni zan dar 1:15 hian league match khel turin Real Betis an lenchilh ang.