Euro final referee tur Kuipers

Pathianni zan dar 12:30-ah European Championships final khelh a ni dawn a, England leh Italy-ten champion an inchuhna tur inkhelah hian Bjorn Kuipers chu referee a ni ang.

Kum 48 mi referee hi Netherlands mi a ni a, Dutch referee zinga Euro final enkawl hmasa ber tur a ni dawn. Kum 2006 aṭang khan international referee hna a chelh ṭan a, UEFA hnuaia inelna final parukah referee hna hi a chelh tawh.

Kuipers hian Europa League final (2018), Champions League final (2014), Europa League final (2013), UEFA Super Cup (2011), Euro Under-21 final (2009) leh Euro Under-17 (2006) final a lo enkawl tawh a ni.

Dutch referee hian ram leh ram inelnaah pawh sulhnu a lo nei nual tawh a, Euro 2012, World Cup 2014, Euro 2016 leh World Cup 2018-ah khan referee team zingah a lo tel tawh.

Kumin Euro-ah pawh Kuipers hian group stage match hnih a enkawl a, Denmark-in 2-1 a Belgium an ngam lohna inkhel leh Spain-in 5-0 a Slovakia an sawpna inkhelte kha a ham.

Knockout round bikah chuan Denmark-in 2-1 a Czech Republic an hnehna quarterfinal kha a enkawl. Fourth official hna vawi khat a thawk a, group stage-a England-in Croatia an hnehna inkhelah khan a ni.

Euro final refereeing team
Referee: Björn Kuipers (Netherlands)
Assistants: Sander van Roekel, Erwin Zeinstra ( Netherlands ve ve)
Fourth official: Carlos Del Cerro Grande (Spain)
Reserve Assistant Referee: Juan Carlos Yuste Jiménez (Spain)
Video Assistant Referee: Bastian Dankert (Germany)
VAR Assistants: Pol van Boekel (Netherlands), Christian Gittelmann, Marco Fritz (Germany)