Goretzka-a'n Bayern Munich a zawm dawn

Schalke midfielder Leon Goretzka chuan tun season tawp ruala a contract a hman zawh hnuah Bayern Munich a zawm dawn. Allianz Arena-ah kum li daih contract a ziak ang.

Kum 22 mi Goretzka hian Schalke tan Bundesliga match 101 a khelh aṭangin goal 14 a khung a, a club tana a contract neih lai hi pawh sei aiin chona lian hmachhawn tura Bayern zawm a thlang ta zawk a ni.

Goretzka hi tun lai player ṭhangduangte zingah a tel phak a, Premier League club Liverpool leh Manchester United te nen pawh sawi zawm a ni hman.

Bayern Munich CEO Karl-Heinz Rummenigge chuan, "Leon-a'n club tam tak sawmna hnar chunga kan hnena rawn kal a thlang hi a lawmawm hle, Bundesliga-a a khel zui tur pawh hi thil lawmawm a ni," tiin Germany player a nihna angin an ram chhunga khel chhunzawm zel tura a duh thu a sawi.