Bagan-in Aizawl rawn thleng

Kolkata Derby-a chak zo hlim Mohun Bagan chuan nimin khan Aizawl an rawn thleng. Mariners hian Pathianni khan Salt Lake Stadium-ah East Bengal chu 2-0 in an hneh a, January 25 hian Aizawl FC nen Rajiv Gandhi Stadium-ah an inkhel ang.

Bagan hian season liam taa I League top scorer Asier Pierrick Dipanda Dicka an rawn hruai a, Valencia B Team striker hlui Dicka hian East Bengal lakah goal hnih a khung. Mizo tlangval Ricky Lallawmawma pawh a rawn tel a, Aizawl FC defender hlui hian Kolkata club-ah hmun pawimawh a chang.

Mohun Bagan hian point 16 hmuin palinaah an awm a, Aizawl FC hian point hnihin an phak lo. Mizo club hian a sang pali zinga inhlankai an duh a nih chuan Mariners an hneh hi a ṭul dawn a ni.