Axelsen a thiam ber

Badminton world number 1 Viktor Axelsen chuan Kenta Nishimoto lakah 21-13, 21-23, 21-18 a hnehna changin Malaysia Masters champion a ni.

Pathiannia Kuala Lumpur-a final inkhelah Denmark tlangval Axelsen hian a khel ṭha hle a, chutih rualin Japanese shuttler Nishimoto a thawhrim em avangin an inkhel tawk hle–darkar khat leh minute 12 an inkhelh hnuah Axelsen a dingchang, tun season chhunga a nomawi hmasa ber a ni.

Kum 24 mi Axelsen chuan, "He hmuna inkhelh hi hriatthiam a harsa, inkhel inhnehtawk taka a chak zawk ka ni kha ka vannei hle," tiin a sawi a, player tinin tournament tam tak an khelh theih nan leh hun rei zawk an inkhelh theih nan fixture zing lutuk chu tih ziaawm nise a duh thu a sawi bawk.

Season thara BWF World Tour (Super Series) hmasa Malaysia Masters hmeichhe final-ah Thailand nula Ratchanok Intanon chuan Taiwanese star Tai Tzu Ying chu 21-16, 14-21, 24-22 in a hneh ve bawk.