Kickboxing-ah Mizoram che ṭha

WAKO Kickboxing National Federation Cup khelh zawh takah Mizoram team an che ṭha a, WAKO Mizoram Association (WMA) tirha kal Mizo fighter ten medal 10 an rawn hawn. Francis Vanlalruata kaihhruai Mizo fighter-te hian senior team-ah gold pali leh bronze pahnih lain junior & cadets-ah silver pahnih leh bronze pahnih an la bawk.

January 17-21 inkara Delhi khawpuia inelna neihah hian State leh UT 34 aṭangin fighter 1500 an tel a, Maharashtra chu team champion an ni.