Kevin De Bruyne a rinawm

Manchester City mid­fielder Kevin de Bruyne chuan a con­tract neih lai chu kum 2021-a tawp tur chauh ni mah se kum 2023 thleng daih turin a pawtsei.

Belgium international hian City player manto ber ni turin August 2015 khan Wolfsburg aṭangin pound maktaduai 55-in a zawm a, English club-ah hian hmun pawimawh a chang.

Kum 26 mi De Bruyne hian tun season-ah goal ruk khung tawhin assist vawi 10 a nei tawh. De Bruyne hian kum 2012 khan Genk aṭangin Chelsea a zawm a, senior team tan vawi thum chiah a inlan theih avangin kum 2014-ah Wolfsburg a zawm.

City hian nizan khan League Cup semifinal second leg-ah Bristol City an hma­chhawn a, Pathianni zan hian FA Cup fourth round-ah Cardiff City an hmachhawn leh bawk ang.