Pune khelmualah Jamshedpur FC

Indian Super League-a team hmuhnawm pahnih Pune City FC leh Jamshedpur FC chu zanin dar 8:00 hian an inhmachhawn dawn a, inkhel hmuhnawm beisei ngam a ni dawn. Lalchhuanmawia Fanai leh Isaac Vanmalsawma ten hmun pawimawh an channa hmun Pune khel a hmuhnawm ṭhin a, match 11 khelh tawha hmahruaitu Bengaluru an phak lohna chu point hnih chiah a ni.

Pune hian Chennaiyin FC 1-0 a an ngam loh hnuah an tho lehnghal a, an match hnuhnung berah champion lai ATK chu 3-0 in an sawp–Kolkata club an hnehna hmun hi an khelmualah a ni a, JFC tan Stallions (Pune sawina) khelmual hi chetsual theihna hmun a nih avangin fimkhur a ṭul ang.

Jamshedpur-in an match hnuhnung pahnihah hnehna an chan avangin an phur vanglai tak a ni–an match hnuhnung berah Delhi Dynamos lakah 2-0 in hnufual hman mah se 3-2 in an comeback a, Jerry Mawihmingthanga khelhna hi an phur vanglai a ni.