Brazil striker Robinho-a'n Sivasspor a pan dawn

Brazil striker Robinho chuan Turkish club Sivasspor a pan dawn. Robinho hian tun hnaiah Atletico Mineiro a chhuahsan a, contract nei lai a nih loh avangin a duh lam a hawi thei.

Manchester City, Real Madrid leh AC Milan player hlui hian kum 2013 khan Milan-ah kelmual pawn lam buaina a nei a, kum kua tlang tura tih a ni. Robinho hian hrem a nihna hi a khing let a, hrem a nihna hi suspended sak rih a nih vangin inkhel turin buaina a nei rih hran lo a ni.

Kum 33 mi Robinho hian kum 2008 nipui lai khan pound maktaduai 32.5-in Real Madrid aṭangin Manchester City a pan a, a hun lai chuan British record fee a ni. Player ṭha tak ni mah se Man City tan hian beisei angin a hlawhtling zui ta lo a ni.

Super Lig table-a pariatna ni lai Sivasspor chuan, "Brazilian striker Robinho nen a thuphungin kan inrem tawh a, hun rei lote chhungin contract kan ziak fel ang," tiin an sawi.