Arsenal-in Tavares an lalut

Premier League club Arsenal chuan Benfica aṭangin left back Nuno Tavares an lalut a, pound maktaduai riat man defender contract rei zawng hi 'hun rei tak chhung atan' tih chauha tarlan ni mah se kum nga bawr vel ni tura ngaih a ni.

Kum 21 mi defender hi Arsenal-in nipui transfer-a player an lakluh hmasak ber a ni a, season hman zawh takah khan Benfica tan inelna hrang hrangah match 25 khelin Europa League-ah pawh Arsenal a hmachhawn.

Arsenal manager Mikel Arteta chuan, "Player naupang, hmabak nei êng tak, hmasawn chak tak a ni," tiin an defender thar chu a fak a, "Nuno hian kan squad a tichak lehzual ang a, tlarhnungah duhthlan tur kan ngah sawt dawn a ni," a ti bawk.