UEFA-in England a hrem

European football-a thuneitu sang ber UEFA chuan England chu Denmark nen an inkhelh ṭuma fan-te laka an chet dan avangin €30,000 an chawitir a, UEFA chuan UEFA disciplinary regulations hnuaia Article 16(2)(d), (g) & (c) tlawhchhana hremna chu pek a nih thu an sawi.

England leh Denmark ten Euro semifinal an khelh khan Harry Kane-a'n penalty a pet dawn khan Denmark keeper Kasper Schmeichel-a hmai chu fans ṭhenkhatin laser point hmangin an lo chhun.

Hei bakah hian hnam hla sak a nih laiin fans ṭhenkhatin buaina an lo siam a, phal loh halmawi an hal bawk - heng zawng zawng avang hian UEFA chuan England football team hi an hrem ta a ni.