Haaland a chhuak dawn lo - Zorc

Borussia Dortmund sporting director Michael Zorc chuan season thar atana an ruahmannaah Erling Haaland a tel thu a sawi a, Norwegian striker hi chhuahtir an tum lo.

July 21-a kum 21 tling tur Haaland hi Europe club lian aṭangin duhtu a ngah a, chung zinga langsar ber chu Chelsea an ni. Amaherawhchu Zorc chuan, "Erling Haaland hi Norway-ah a awm mek. Thawhṭannia training kan ṭan hunah club a rawn zawm ang," tiin a sawi.

Nakkum nipui bazarah Haaland-a release clause hi pound maktaduai 68 chauh a ni dawn nia sawi a ni a, Europe club lian ho chuan an lei ngam fur dawn. BVB tan Haaland hian match 59 khel tawhin goal 57 a khung tawh a ni.