Pa huaisen leh lang tlang

Daei hi khelmual chhunga a ṭhatna piahlama sawi hlawh tak pakhat chu a mize lang tlang leh huaisen taka thu a sawi ṭhin chu a ni a, mi ṭhenkhat chuan an ramah thil ti thei hmelhriat a ngah em avangin a huaisen niin an sawi. 

Kum 2004 khan a zir chhuahna Sharif University of Technology chuan thusawi turin an sawm a, he hunah hian zirlai pakhat chuan Daei hi, "Engtikah nge Iran hi world champion kan nih ang?" tiin a zawt. 

Daei hian nui chungin, "Van thengrenga rocket kan kah chhuah hunah world champion chu kan ni ang," tiin naupang hi a chhang a, hei vang hian Iranian tam tak chuan Daei hi an haw hle. 

Kum 2006 khan a career tawp lamah Sheys Rezaei nena ball an inchuhna lamah a khingpui hian hliam a tuar a, Iran Football Federation’s Disciplinary Committee chuan match li chhung khel thei lo turin Daei hi an hrem. 

Mahse, an ram parliament house-ah hei hi sawichhuah a ni a, a chawr chhuahna khawpui Ardabil, Urmia leh Tabriz aiawh member-te chuan inkhel enkawltu referee chu an dem!

Daei hian a tukah parliament a tlawh nghal a, member-te nen an titi a, Disciplinary Committee  hotupa Abdolrahman Shah-Hosseini chu ban a phut thu a sawi - a hnu darkar 24 chhungin Hosseini leh a thawhpui member dangte chu an bang nghal vek. 

Ali Daei hian an ram football-a eirukna leh hlemhletna awm nia a hriat chu huaisen takin a sawi chhuak bawk ṭhin a, hlauh a nei ngai lo - amah hawtu te tan erawh huatawm tak a ni!