Daei lo kiang rawh le...

September 11, 2019 khan Portugal chuan 5-1 ngawtin Lithuania an sawp a, he inkhelah hian Cristiano Ronaldo chuan goal li a khung - khawthlang media-te chuan phur takin, "Daei lo kiang rawh le...Ronaldo a lo lang e," tiin an ziak a, mahse an phur mah mah!

Ali Daei hian ram tan match 149-a khelhah goal 109 a khung a, Ronaldo tan um phak turin goal 10 a la ngai. Cristiano hian Lithuania hnuah ram tan goal ruk a khung a, Portugal tan goal 99 a khung tawh. 

Hriat tel tur erawh Ronaldo hian heti zat goal khung tur hian match 164 a mamawh a, Daei-a record goal 109 khum tur hian match engemaw zat a la mamawh tura ngaih a ni. 

Daei chuan, "Record chu a tharin a thlak zel mai alawm. Keipawhin ka hun a thlen lai khan midang record lo siam tawh chu ka khum mai a, midang hun a thlen hunah ka record an khum ve leh mai ang. 

"Ronaldo hian ka record hi rawn khum pawh ni se lungawi lohna tur a awm lo. Player ṭha tak, football khawvela chawimawina tam tak lo dawng tawh a ni a, tun hnaiah a khel ṭha thei em em bawk," tiin Lithuania laka Ronaldo-a'n hattrick a siam khan a lo sawi tawh.