Mourinho-a'n contract thar ziak

Manchester United manager Jose Mourinho chuan a contract neih lai chu kum khat ziah belhin kum 2020 thleng daih turin a pawtsei a, kum khat dang belh theih dan a awm tel bawk.

Kum 54 mi Mourinho chuan, "United-in club enkawl tura min ring hi ka lawm a, player ṭha tak nena kan thawk ho thei hi vannei ka inti. Kum thum atan contract kan ziak phawt a, tunah chuan kum thum chauh ni loin kum 4-5 emaw ka thawk dawn a, a aia tam pawh ka thawk lo ang tih tu nge sawi thei," tiin contract thar a ziak chu a lawm thu a sawi.

Mourinho hian May 2016 khan Louis van Gaal thlakin United enkawl hna a thawk ṭan a, League Cup leh Europa League-ah a champion nghal. Portuguese manager Mou­rinho chuan, "Tum sang tak kan nei a, season khata nomawi pathum chawi chu kan tum a ni," tiin a sawi.

United hi Premier League-ah pahnihna an ni mek a, Manchester City an phak lohna erawh point 12 lawih a ni a; Champions League leh FA Cup-ah beisei tur an la nei bawk.