Match thum atan Dani Alves an hrem

Paris Saint-Germain chuan an defender rinrawl Dani Alves chu match thum chhung an chhawr thei dawn lo. Alves hi referee laka a chet mawi loh vangin Ligue de Football Professionnel chuan an hrem a ni.

Pathianni zan khan PSG hi an hnuai chiaha awm Lyon lakah 2-1 in an chak lo, he inkhelah hian Alves hi an khingpui player Tanguy Ndombele laka a chetmawi loh vangin card pek a ni a, hemi hnuah referee Clement Turpin hmaah mawi lo takin a che zui bawk.

Paris club hian Inrinni zanah Montpellier an hmachhawn dawn a, rawlthar duhawm Kylian Mbappe leh defender Thomas Meunier te pawh hliam vangin an chhawr theih a beiseiawm loh.