A chungah Sindhu leh Axelsen

India Open 2018 Badminton Championship chu Janaury 30-4 February chhungin khelh a ni dawn a, PV Sindhu leh Viktor Axelsen te chu seeded pakhatna an ni ang.

Champion lai Sindhu hian a match hmasa berah Denmark nula Natalia Rohde a hmachhawn dawn a, a chak chho zel a nih chuan world champion ni tawh Ratchanok Intanon nen semifinal-ah an intawng thei dawn a ni.

Indian shuttler sang Saina Nehwal-i'n Sofie Dahl a tum dawn a, seeded palina Saina hi seeded pangna nen an kawng a inan avangin quarterfinal aṭangin a hna a hautak nghal dawn.

Mipa singles lamah world number 1 Axelsen chu rinkai a ni leh dawn, ani bakah hian khawtual tlangval Kidambi Srikanth, world number 10 HS Prannoy leh Singapore Open champion B Sai Praneeth te pawhin medal beiseina an nei sang ang.