Mina a chawlh rih a ngai dawn

Everton defender Yerry Mina chu team training an neihna hmunah a tihrawl a hliam a, a chawlh chen tur tarlan ni lo mah se hun eng emaw ti chhung chu a inkhel thei rih dawn lo.

Colombia international hi tun season kal laiah Everton tan player pawimawh a ni. Premier League bikah pawh match 25 a khel tawh a, February thla khan Watford 3-2 a an lehthalna inkhelah goal pawimawh a khung.

Everton chuan thu chhuah siamin, "Yerry Mina chu a malpui vei lam tihrawl a hliam a, uluk taka enkawl nghal ni mah se hun eng emawti chhung chu a inkhel thei rih lo ang," an ti.

Kum 25 mi Mina hma hian Toffees player dang midfielder Jean-Philippe Gbamin pawh a lo hliam tawh. Ivory Coast international hi a keartui hliam zai a ni a, ani hi chu a chawlh rei deuh a ngai dawn.

Carlo Ancelotti naute hi Premier League an chawlh lailawk hma khan table-ah 12-na an ni. English league hi June 17 aṭangin khelh chhunzawm leh an tum, Italian manager hian a enkawl team hi European football khelh pui theih a la beisei.