Andreescu a inhnukdawk

Bianca Andreescu chuan Tokyo Olympic a khelh loh tur thu a sawi. Infiamna khawmpui liana Canada ram ai a awh theih loh chhan hi hripui leng vanga zin vei vah a harsat vang niin a sawi bawk.

Tennis player zingah Olympic khelh tum lo an tam - Rafael Nadal, Dominic Thiem, Denis Shapovalov, Stan Wawrinka, Nick Kyrgios, Serena Williams leh Simona Halep te pawhin Japan an pan loh tur thu an lo sawi tawh.

US Open champion hlui Andreescu chuan, "Ka naupan lai aṭangin Olympic-a Canada aiawhtu nih hi ka chak ṭhin, tun thleng pawhin ka duhthusam a la ni reng. Mahse hri leng vangin khawvel a buai a, tun dinhmunah chuan a rem rih lo a ni," tiin a sawi.

Andreescu hian 2019 khan US Open title a la a, Canadian player zinga Grand Slam champion ni thei hmasa ber a ni. Mipa lamah Wimbledon semifinalist Shapovalov a inlan dawn loh bawk avangin tennis huangah Canada tan medal beiseina a sang dawn lo.