Socieded-ah Mat Ryan a kal

Real Sociedad chuan Australia goalkeeper Mat Ryan chu Premier League club Brighton & Hove Albion aṭangin an lalut. La Liga club hian an player thar hi season hnih daih contract an ziahpui a, season khat atan pawhsei theih a ni dawn.

Kum 29 mi Ryan hian Valencia tan 2015-17 chhung khan a lo khel tawh - Spnaish football-ah a mikhual dawn lo. Brighton a zawm hnuah player pawimawh a ni phak a, mahse season hmasa khan a naupan lai aṭanga a ṭan tawh Arsenal-ah loan hmangin a kal.

North London-ah erawh Bernd Leno a awm avangin a inlan phak meuh lo, league match thum a khel - inelna dangah a inlan miah lo. Tunah chuan English club chhuahsanin inkhelh tam theih beiseina Sociedad a pan leh ta zawk a ni.

Australia tana match 61 khel tawh Ryan chuan, "Real Sociedad tana inkhelh ka châk tawh, inlan phak ngei turin ka bei dawn a ni," tiin chona thar a hmachhawn tur atan a phur thu a sawi.