US-ah tennis khelhna siksawi an tum

United States Tennis Association (USTA) chuan a hun pangngaiah US Open khelh an la tum a, an thil tum a hlawhtlin theih nan August thla a khelh tur ATP/WTA Cincinnati Masters te chu New York khawpuia sawn an tum.

Cincinnati khawpuia inelna hi an sawn a nih chuan US Open khel tur player tam zawk chu New York-ah an zinlut hma thei dawn tihna a ni a, khawvel hmun hrang hrang aṭanga mikhual dawng tur US tan pawh a awlsam zawk a beiseiawm.

Ruahman dan chuan Cincinnati tournament hi August 17-23 chhunga khelh a ni ang. Hard court inelna lian US Open chu August 31 aṭanga khel chhunzawmin; September thla laihawlah zawh theih an tum.

Coronavirus vangin May thla a khelh tur French Open chu September thla tawp atan an sawn fel tawh. Wimbledon chu Indopui II-na hnua a vawi khat nan hripui leng vang hian ṭhulh a lo ni tawh - kuminah grass court season a awm dawn lo.